Heba Agneta

2007-07-27T00:04:00.000Z

Er flutt yfir á www.123.is/hebaagneta

Ástæða: Læst myndaalbúm. Það er nú bara þannig, kallinn minn.

2007-07-21T12:49:00.000Z

Búlgaría eða

Tyrkland ???

2007-07-17T10:40:00.000Z

Langþráð sumarfrí hafið.
Sumarið meiriháttar so far. Æðislegt í vinnunni, íbúðin æðisleg og skapið alltaf svo gott þegar veðrið er svona gott. Það er bara þannig.
Spáin segir reyndar rigning um helgina, það þýðir þá bara einfaldlega það að við mæðgur huggum okkur innivið í huggulegu íbúðinni okkar.
Sumarfríið á svo einfaldlega að fara bara í afslöppun og notalegheit.

Slappaðu af........

2007-06-03T13:41:00.000Z

Óvissuferð með vinnunni í gær....
Ekið var rakleiðis í Mosfellsdalinn, nánar tiltekið að hestaleigunni Laxnes þar sem 10 hressir og kátir vinnufélagar skelltu sér á hestbak, misvön eins og við var að búast en allir spenntir.
Ég fékk merina Madonnu sem fararskjóta og fyrstu kynni okkar skvísanna voru góð og haldið var af stað í útreiðatúrinn með skælbros á vör :oD

Þegar við vorum hálfnuð er stoppað og Madonna fer út í kant að bíta gras. Ég tek því rólega á meðan og klappa merinni nýju vinkonu minni á meðan ég held með annarri hendi í tauminn. Hvað haldiði???
Helv... Spóa-fífl flýgur upp úr grasinu beint fyrir framan Madonnu mína sem verður svo hverft við að hún tekur þessa líka kröppustu hægri beygju sem sögur fara af (í minningunni allavega) með mig á bakinu og ég náttúrulega bara flýg af baki!!!
Já, já, mín datt af baki og svo harkalega að ég datt næstum út, sá ekkert, heyrði ekkert og átti erfitt með andardrátt liggjandi þarna sárkvalin skvísan úti í vegarkanti.
Eftir litla stund jafnaði ég mig, fór að sjá og heyra aftur og stóð upp, en meeeeeen, kvalirnar í rasskinninni!!!!
Myndi ekki óska mínum versta óvini að upplifa sömu kvalir, sem eru þær allra, allra verstu á ævinni og nú er ég samt búin að afreka að eiga tvö börn, takk fyrir ;o)

Ég var sótt og keyrð heim í hús þar sem það var ekki séns fyrir mig að setjast aftur á bak. Þar sem ég lá á maganum í leðursófa, var raðað í mig íbúfeni, mér gefið kók að drekka þar sem húsfreyjan sagði mig líkari afturgöngu en sprelllifandi 27 ára gamalli pæju ;o)
Þannig fór um hestaferð þá....hehe-hummhumm.

Í dag er rasskinnin svo á mér dökkblá og rispuð og ég á erfitt með hinar ýmsu hreyfingar sem annars eiga að vera algerlega verkjalausar og ósjálfráðar.

**Ætla samt á hestbak aftur, það er æði!

2007-06-01T09:28:00.001Z

Það er alltaf jafn fyndið þegar fólk er farið að heimta fréttir af manni..hehe.

Það er enn bara gleði, gleði... Við familian flytjum 9. júní á Hringbrautina í krúttlega 3ja herbergja íbúð.
Svo er það útskriftin sem verður 16.júní, er að plana veisluna og svoleiðis, búin að fara fram og til baka með dagskrá dagsins og að verða búin að festa tilboð í veitingar og djús svo mínir nánustu fara að fá símhringingu um boð í herlegheitin :o)

Netið er enn bilað og ég er ekkert að fara að láta laga það á næstunni, þarf að kaupa nýtt netkort og vesen. Er því háð tölvunum í vinnunni og þar er maður ekkert að blogga neitt daglega enda annað að gera á vinnutíma :o)

Strembið líf að vera farin að vinna 9-5, finnst dagurinn vera bara búin þegar við komum heim. Tekur tíma að aðlaga sig því, en þetta er jú það sem koma skal.

Þannig er nú það.....

P.S Fékk 8,5 fyrir lokaritgerðina :o)

2007-05-12T15:10:00.000Z

Gleði, gleði, gleði......

Mjájá... Gellan ég er búin með ritgerðina!! Er bara varla að trúa því að tíminn sé kominn!

Það er núna sem hlutirnir ganga bara allir upp. ( nema að útkoman úr prófinu verði fall en það er akkúrat núna seinnitíma vandamál :oS ) Ritgerðin búin, á bara eftir að fara í prentun, komin með vinnu og í gær fengum við fjölskyldan íbúð! Það er mánaðaruppsagnarfrestur hjá mér svo tek við íbúðinni hjá Hafdísi og Begga um miðjan júní sem er 3ja herbergja krúttleg íbúð við Hringbrautina...Verðum áfram á þessu yndislega svæði, mér til mikillar gleði.

Það er svo núna sem ég tek saman, geng út af bókhlöðunni í síðasta sinn (í laaaangan tíma allavega) og skelli mér í smá treat-ferð í Kringluna. Skelli mér svo í Hagaskóla til að kjósa auðvitað áður en ég fer heim og kem mér í júróvisionstuðið. Get ómögulega valið mér land til að halda með í kvöld þar sem Ísland er auðvitað ekki með. Var með 6 af 10 löndum rétt sem fóru áfram á fimmtudaginn en hef ekki heyrt neitt af hinum lögunum sem eru með í kvöld svo þori engu að spá að svo stöddu... Tyrkland og Grikklans eru lög sem auðvelt er að muna eftir, það er allavega á hreinu, shake it up.......

Góða skemmtun í kvöld til ykkar allra :o*

**Það er svo gaman að vera til...lífið er yndislegt...

2007-05-11T10:32:00.000Z

Hahahaha... Hélt mig hafa bloggað í fyrradag en svo er greinilega ekki.
Hvað er að frétta?
Allt svona bærilegt bara, fékk ritgerðina til baka í gær og þurfti heldur betur að stokka Samantekt og umræðukaflann upp. Auk þess þurfti ég að laga Athugunarkaflann. Fæ því helgina til að massa þetta sem þýðir engin Kringlu-verslunarferð fyrir mig og ekki nema nett evróvisionpartý með coke light í mesta lagi :o(
Svona er þetta bara......Þýðir ekkert að væla, það er bara tímasóun ;o)
Langar samt að deila með ykkur að mín er komin með vinnu, svona alvöru vinnu. Verð önnur af tveimur umsjónamönnum í Frístundaheimili. Ótrúlega spennandi...
Finnst samt svona í fyrsta sinn ég vera orðin fullorðin. Skólinn bara búinn.

Þessi blogfærsla er líka tímasóun svosem svo fer að segja þetta gott í bili, veit ekkert hvað er að minni tövlu, grunar netkortið svo veit ekkert hvernig fer.
**Síðar

2007-05-09T11:53:00.000Z

2007-04-28T14:47:00.000Z

Þegar ég er búin að skila af mér ætla ég að:

**Fara í klippingu og litun, hef ekki verið með klippingu sem fer mér svona líka hræðilega illa síðan ég klippti mig sjálf hérna um árið!
**Þrífa heima hjá mér hátt og lágt
**Kaupa mér skó
**Fara í nudd eða einhverja "endurheimtu þitt ferska útlit-spameðferð"
**Bjóða Stefáni á Spiderman III
**Fara með Vilborgu á skautamyndina
**Fara með Stefáni og Kolfinnu í sund
**Njóta þess að gera ekki neitt
**Fara í heimsóknir
**Útskrifast og halda uppá það með pompi og prakt!

13 dagar to go!!

2007-04-24T11:27:00.000Z

Ég og prentarinn í Odda eigum ekki samleið það er á hreinu. Þetta er í 8 skipti á önninni sem ég kem hingað í þeim tilgangi að prenta eitthvað og í 8 skiptið sem ég get ekki prentað þar sem prentarinn er bilaður!!

Af mér og mínum er annars ekkert að frétta....
Eða kannski eitthvað...
**Fór á árshátíð Frostaskjóls 14. þessa mánaðar, skemmti mér ágætlega í faðmi vinnufélaganna.
**Fórum familian á sumarhátíð á Sumardaginn 1. sem var hin ágætis skemmtun, krakkarnir í Selinu sungu en missti af þeim þar sem ég kom aðeins of seint. Mér tókst að brjóta hjólið undan kerrunni hennar Kolfinnu...hehe.
**Við mæðgur fórum á Karíus og Baktus í Borgarleikhúsinu s.l. sunnudag og skemmtu okkur konunglega, fyrsta leikhúsferð skvísunnar og mín í laaangan tíma.
**Það stefnir allt í major tannréttingar hjá Stefáni sem er með alltof lítinn neðri kjálka að sögn tannlæknisins hans, fór í að láta taka mót af tönnunnum í gær og þarf í röntgen af höfði og kjálka á morgun, framhald síðar þegar ég veit meira :oS
**Bootcamp rokkar, búin að skrá mig á næsta námskeið!!
**Er annars alveg að verða batteríslaus, ætla heim og hlaða batteríin fyrir langan vinnudag þar sem það er starfsmannafundur strax að lokinni vinnu.

Bið vel að heilsa og takk fyrir hvatningarpústin kæru vinir, þið eruð yndisleg :o*

2007-04-17T08:52:00.000Z

STRESSSSS.....

Mikið að gera, finn ekki þörf hjá mér til að blogga um stressið og streituna sem hvílir á mér þessa dagana... 24 dagar í lokaskil!!

Netið liggur niðri hjá mér.

**Later, maybe much later.......

2007-04-07T15:50:00.000Z

Páskar og vonleysi

*laangt andvarp*

Hvað er með mig, er algerlega andlaus þessa dagana :o(

Ég var alveg viss um að það væri lesstofunni að kenna, er búin að vera á Hlöðunni hingað til og alltaf gengið svo vel að skrifa en svo er Hlaðan bara lokuð yfir Páskana svo þurfti að grípa til þeirra örþrifa ráða að skrifa á lesstofunni sem er greinilega ekki að gera sig!

Kolfinna hringdi í mig í gær þar sem ég sat við skrifborðið hans Hjalta (búin að segja upp mínu) og reyndi að skrifa, vildi fá mömmu sína til sín, væl og alles. Ég ákvað því bara eftir að hafa fengið loforð um heilan barnaskóla undir mig að pakka niður skólabókunum og bruna með þær í Hólminn.

Sit svo hér, meiriháttar útsýni út um gluggann og álein í heiminum....Eeen, það gerist ekki mikið!

Þetta var þá ekki lesstofan heldur ég..... 34 dagar í lokaskil og heilt próf sem ég þarf að taka áður.

Stundum, já stundum.....gengur bara EKKERT upp!

**Gleðilega Páska

2007-04-04T09:28:00.000Z

Ó nei, ó nei.... Metnaðarleysið er að mæta aftur á svæðið!
Dagur 4 alein heima og ég er ekki enn farin að vinna neitt í ritgerðinni.
Mánudagurinn fór í bootcamp, vinnu, kaffihúsahitting, Heroes og CSI (sem ég sofnaði reyndar yfir).
Þriðjudagurinn fór í vinnu frá 8-15, Sorpuferð eftir tiltektina í geymslunni á sunnudag, Europrisferð svona þar sem búðin er við hliðina á Sorpu og ég fékk alveg heilar 920,- kr. fyrir flöskurnar mínar og Smáralindina þar sem við Eygló og Bóas hittum Írisi vinkonu frá DK á Kaffi Adesso.
Í dag er svo planið að klára innganginn (sem ég átti að skila í gær!), bootcamp, vinna, Bónusferð svo ég eigi ætan bita næstu 3 daga og sitja við eldhúsborðið og læra.

Næstu 3 dagar EIGA að einkennast af kyrrsetu og afkastamikilli ritgerðarvinnu svo ég nái að útskrifast!

**Þannig er nú bara það eins og hún Kolfinna mín segir gjarnan...

2007-04-02T17:27:00.000Z

Dagur 2 alein heima..
Hitti leiðbeinandann í dag sem tók við fræðilega kaflanum, fékk þann heimalærdóm að klára inngang fyrir morgundaginn og Athugunarkaflann fyrir næstu viku svo það er mikil vinna framundan.
Bootcamp svakalegt í morgun, svakalegt en skemmtilegt.

Tók mér ritgerðarfrí í gær, hékk með systrum mínum og Co-um, heimsótti Lilju og Co í nýju íbúðina, fór að borða á Pizzeria Rizzo með Eygló, Hannibal og Bóasi, meiriháttar pizza. Fengum okkus svo ís á eftir, ekta sunnudagsmáltíð þar á ferð. Tók mig svo til og lagaði til í geymslunni svo þarf heldur betur í Sorpu eftir vinnu á morgun :o)

Kaffihús í kvöld með Ragnildi og Lilju og svo er planið að hitta Írisi frá DK á morgun yfir kvöldmat. Þess á milli vinn ég, skrifa og sef :oÞ

**Hlakka strax til annars í Páskum

2007-03-30T10:51:00.000Z

Passið ykkur á upp- og niðurgangspestinni sem er að ganga!

Langir dagar án molanna minna framundan, eru að fara í vikupáskafrí til feðra sinna og við ritgerðin verðum aleinar á meðan.

Stefán fer uppeftir í dag en við Kolfinna ætlum að borða með Eygló og Co í kvöld, fara svo í íþróttaskólann á morgun og dandalast með systrum mínum og föruneyti þeirra frameftir morgundeginum. Kolfinna fer svo vestur eftir KR-Snæfell leikinn á morgun þegar staðan verður vonandi 2-1 fyrir Snæfell í úrslitabaráttunni.

**Ætla í Kringluna að kaupa páskaegg handa þeim :o)

2007-03-28T09:22:00.000Z

Bootcamp já!
Erfitt, svimi, enn erfiðara, meiri svimi, helvíti, tími búinn!
Komst varla niður tröppurnar vegna mjólkusýrunnar, náði að jafna mig þegar út í bíl kom, keyrði af stað og er að keyra í sakleysi mínu þegar bíll svoleiðis ætlar inn í hliðina á mér en ég náði að sveigja fimlega frá með löööööngu flauti... Úff, ekki alveg það sem ég þurfti á að halda. Kem heim í móki, næ að borða einn banana og druslast í sturtu, hafði ekki orku til að blása á mér hárið svo mætti í vinnunna með pluffy-hár ;o)
Þannig var nú fyrsti tíminn.
Í gær var ég svo frá af harðsperrum að ég gat varla sest á *hóst* wc einsömul *hóst* ;o)

**Get því ekki annað sagt en að ég kvíði tímanum á eftir.....

2007-03-25T16:11:00.000Z

Er alveg stopp í bili....Búin að vera á hlöðunni síðan 11:15 í morgun og gengið nokkuð vel, aðeins farið að hægja á samt, kannski vegna þess að nú er ég farin að lesa erfiðu greinarnar og bækurnar, þessar sem þarf að glósa svoldið og snúa í marga hringi svo setningin skiljist á íslensku..hehe.

Horfði á Talladega Nights með Stefáni í gær, skellti mér í náttarann og kom mér vel fyrir undir teppi í sófanum með pepsi max (á tilboði í Bónus), lítinn Þrist og lítið Twix og bjóst alveg við því að sofna út frá myndinni eins og svo oft þegar við mæðginin tökum myndir saman (ekki alveg sama áhugasviðið hvað þær varðar).
En myndin kom bara svona skemmtilega á óvart, ég hélt mér vakandi, kannski fyrir tilstilli alls sykursins en myndin var þessi líka ágætis skemmtun auk þess sem hún rifjaði upp fyrir mér lag sem ég hélt mikið uppá hérna í den, "We belong" með Pat eitthvað, væmið og flott og atriðið við lagið geggjað fyndið í þokkabót.

Á morgun er það svo 1. bootcamp tíminn! Jiiii, ég kvíði fyrir.....En hlakka líka til.

**Áfram Snæfell í DHL höllinni í kvöld!!!

2007-03-23T09:18:00.000Z

- FERMING 2007 -

Sótti Dagskrá vikunnar niður í póstkassa núna áðan og get ekki sagt annað en að ég sé alveg hlessa!

Á þriðju opnunni er fermingar-auglýsing frá Póstinum og slagorðið er: Páll 29 skeyti, 3. í bekknum. Klárlega verið að espa til samkeppni um það hvaða fermingarbarn fær flestu skeytin. Eitthvað farið framhjá mér að það væri á einhvern hátt töff.

Á 15. opnu er auglýsing frá Heimilstækjum með slagorðinu: 1. flokks fermingargjafir. Á opnunni eru ódýrustu gjafirnar tvær, rakvél og hárblásari uppá 5.995,- og tvær dýrustu sem nota bené eru 26" Philips "örþunnt" sjónvarpstæki og stereópakki uppá 99.995,- !!

Á 16. opnu er Fermingargjöf til framtíðar frá Einar Farestveit og Co.hf. og þar er heimabíókerfi í einum pakka á 79.900,- !!
Á ekki bara að kaupa íbúð handa barninu undir þetta líka?!

Á 19. opnu blaðsins er auglýsing frá Sett húsgagnaverslun sem býður uppá Fermingartilboð á vönduðum fermingarrúmum og dýrasta "fermingarrúmið" er 180x200 og kostar 79.900,- !!
Hélt að maður þyrfti að vera giftur til að fá svona stórt rúm :o)

Á 22. opnu er auglýsing frá Hljóðfærahúsinu, Fermingargjafir fyrir poppara, rappara og rokkara. Þeir eru svo sniðugir að birta bara myndir af hljóðfærum og gefa ekki upp nein verð.

....og ég sem er að fara að ferma eftir 2 ár! Það er ekki nóg að þurfa að spara fyrir veislunni, fötunum og því öllu heldur sýnist mér gjafirnar vera farnar að toppa hreinlega brúðargjafir!!!
Vita fermingarbörnin svo afhverju þau eru að fermast?! Nei ég bara spyr......

2007-03-21T22:09:00.000Z

Þrír menn sátu og montuðu sig af heimilis skyldum sem þeir höfðu látið nýgiftu konur sínar fá.

Sá fyrsti giftist konu frá Colorado og setti henni fyrir að þrífa húsið og sjá um uppvaskið. Það tók tvo daga en á þriðja degi kom hann heim í nýþrifið hús og hreint og vel frágengið uppvask.

Annar giftist konu frá Nebraska og setti henni fyrir þrifin, uppvaskið og eldamennskuna. Fyrsta daginn gerðist ekkert, annan daginn ekki heldur en þann þriðja var húsið tandurhreint, uppvaskið í toppstandi og matur á borðinu.

Sá þriðji giftist fallegri íslenskri stelpu. Hann setti henni fyrir öll þrif, uppvask, eldamennska og að hirða um garðinn. Á fyrsta degi sá hann ekkert, heldur ekki annan daginn en á þriðja degi var mesta bólgan hjöðnuð og hann sá nægilega mikið út úr vinstra auga til að finna sér eitthvað að éta og raða í uppþvottavélina!!

Þar hafiði það íslenskar kynsystur mínar....hehehehe.

2007-03-19T19:58:00.000Z

Dreif mig til doksa í morgun... Mín með sýkingu í kinnholunum sem eru orðnar svo stíflaðar að jukkið lekur ofan í lungu sem er ástæðan fyrir þessum svakalega hósta.
Fékk sýklalyf og sterapúst ásamt þeim fyrirmælum að fara heim og taka því rólega í dag sem ég heldur betur gerði, svaf í sófanum til 16:00 en þá neyddist ég til að fara í Bónus og sækja Kolfinnu á leikskólann, veikindadagurinn á enda.

Tók svakalega rispu um helgina, lærði bara næstum alla helgina ásamt því að skíttapa í Fimbulfambi við Eygló, Hannibal, Vilborgu og Hjalta.

Saumó hjá mér á fimmtudag, hlakka svakalega til að fá Pækurnar til mín í djúsí-veitingar og spjall. Maður hittir einhvernveginn svo fáa þegar maður er farin að vinna til 16:30 alla daga sem fær mig til að hugsa um eina ókostinn við að útskrifast, langa vinnudaga. Það er svo miklu skemmtilegra að geta farið í Bónus áður en maður sækir Kolfinnu, geta hent í vél og hengt upp úr henni á milli tíma.....og allt hitt.
Kannski er ég ekki tilbúin í að verða fullorðin...gæti það verið ;o)

**Ætla að skella mér í náttarann og gera mig klára fyrir HEROES

2007-03-15T15:38:00.000Z

"Lífið er yndislegt, sjáðu....."
Í alvöru, loksins þegar samviskusemin kom þá virðist hún ætla að bliva mér til mikillar ánægju og gleði. Er búin að sitja á hlöðunni síðan nákvæmlega 08:51 í morgun og er komin með 5 bls. í fræðilega kaflanum!!
Tók mér hádegismat frá 11:15-12:00 og hef skroppið 4x á wc í allan dag. (Það má ekki drekka í básunum sko :o( )

Ætla að pakka saman bókunum, greinunum, orðabókinni, útkrotuðu blöðunum og öllu hinu dóteríinu sem fylgir mér niður og halda heim með góðri samvisku og bros á vör :oD

Svo er það Despó í kvöld og það væri enn skemmtilegra ef einhver nennti að joina mig kl.21:15

**".....það'er rétt að byrja hér....."

2007-03-13T21:58:00.000Z

Sit við tölvuna og er í heimildaleit.
Fæ skyndilega þá flugu í höfuðið að google-a "Heba".
Ég heiti Heba Agneta og er fædd 02.07'79 og amma mín heitin, hét Heba og var fædd 24.01'38.
Ég fann eftirtaldar staðreyndir um allar stelpur/konur á Íslandi sem heita Heba að fyrsta eiginnafni (eitthvað erfitt að orða þetta):

*Samkvæmt þjóðskrá í nóvember 2005, sem nota bené er þónokkuð langt síðan, erum við 72 sem heitum Heba að fyrsta eiginnafni og 40 sem heita það í seinna eiginnafni.
*Sama heimild gefur upp að elsta Heban sé fædd árið 1936 og sú yngsta 2005.
*Á árunum 1978 og 1979 vorum við 2 Hebur sem fæddumst en á árunum 1938-1942 fæddust 6 Hebur.
*Í júlímánuði erum við Heburnar 7 sem eigum afmæli.
*Í janúar eru Heburnar 9.
*Mánaðardaginn 2., fæddust 4 Hebur á meðan aðeins 2 fæddust 24.

Við erum svo 8 sem heitum Agneta í seinna eiginnafni og þær eru aðeins 2 sem heita það í fyrsta eiginnafni.
Merkilegt nokk...

**Er annars hress bara, gaman að vera til :o)

2007-03-12T11:42:00.000Z

I'm alive...
Fundurinn gekk vel..Næsta verkefni er fræðilegi kaflinn.

Heroes í kvöld....
**I rest my case for now

2007-03-06T20:46:00.000Z

-HEROES-
Uppáhaldið er auðvitað hann Hiro Nakamura

-Heroes góður í gær... Maður er orðin svo spenntur að það er næstum að maður download-i næstu þáttum. SVO erfitt að bíða í viku eftir næsta þætti!

-Tók upp á því að segja upp kortinu mínu í isf97 þar sem ég hef ekki farið síðan í *hóst*desember*hóst* og skráði mig á GI Jane- boot camp námskeið frá 26.mars-5.maí !! Nú á sko að taka á því, það er samt ekki laust við að ég sé smá stressuð, maður búin að heyra svoddan sögur af þessu campi :o) En í form skal ég....

-Skellti mér á bókamarkaðinn í Perlunni í morgun, meiriháttar markaður og SVO margar bækur sem mig langaði að kaupa, lét nokkrar eftir mér, aðallega til að gefa samt. Ætla aftur á morgun þar sem bókin sem dró mig þangað in the first place var búin en var væntanleg í dag aftur....Bók um litla stúlku sem gefur stórum úlfi snudduna sína. Þið skiljið boðskapinn í henni, ætla að lesa hana með henni Kolfinnu minni.
-Keypti líka dekk á Opelskvísuna mína í dag, er ekki frá því að það sé svoldið annað að keyra hana. Það passar svosem alveg þar sem ég las einhversstaðar að gamlir og lúnir hjólbarðar koma oftar en ekki við sögu þegar um umferðaóhöpp er að ræða. Fer með skvísuna svo í skoðun á morgun og á ekki von á öðru en að hún fá A í einkunn og fjólubláan límmiða með 08 á númeraplötuna...úúú ;o)

-Svakalega fer þessi auðkennislykill í taugarnar á mér eitthvað, einhverjir fleiri við þann vanda að etja??? Hann er eitthvað svo fyrir mér :oÞ

**Fundur með leiðbeinanda á morgun...púff.

2007-03-03T14:15:00.000Z

Það er víst komin mars-mánuður... Mér finnst ég nýbúin að vera að skrifa um það að febrúar væri að skella á!
Hrós febrúar fá:
**Stefán og Kolfinna fyrir að vera yndislegust í heimi!
**Gerður og Óli nýbakaðir foreldrar
**Útskriftarfólkið mitt allt: Eygló, Hannibal, Drífa og Harpa
**Marta Birna fyrir að ferðast alein um Mexíkó og láta drauminn rætast
**Birgitta mín fyrir að brjóta ísinn!
**Og svona að lokum verð ég að fá að hrósa sjálfri mér og henni Thelmu minni fyrir að plana þetta annars ágætis heppnaða húsmæðraorlof Pækanna árið 2007

Mér tekst að halda fókusnum nokkuð vel bara, gerði vikuáætlun sem ég hef haldið so far og þá eru 6 þátttökuathuganir að baki og afritun á þeim, svo nú er bara að skrifa og skrifa og fara svo með afraksturinn til leiðbeinandans á miðvikudaginn og fá komment og halda svo auðvitað áfram :o)
Mars leggst annars ágætlega í mig, ætla að minnka vinnuna, vera í fríi á fimmtudögum og helga þá daga í ritgerðarvinnu, held að það sé svoldið sterkur leikur svona ef ég ætla að ná að klára. Þetta blogg mitt er orðið svoldið ritgerðin mín-blogg. Það vill verða þannig að maður tali um það sem manni er efst í huga hverju sinni og þessi blessun er það 24/7 !!

Í dag á að mig minnir hann fyrrverandi-tilvonandi mágur minn, Ásgeir Héðinn afmæli.. Man ekki töluna en óska honum innilega til lukku með daginn!

**Kveð svo bara að sinni

2007-02-25T21:57:00.000Z

Kæra dagbók:

Helgin búin að vera svona líka meiriháttar fín eftir inniveru og veikindi alla liðna viku....Alltaf svo notalegt og rólegt að koma á Skagann, maður þarf aldrei að skipta úr 2 gír..hehe.
Fórum þangað strax eftir vinnu á föstudag, sóttum pizzu á gamla vinnustaðinn minn sem við borðuðum með Ínu sys og familiu á Eyrarflötinni. Frændsystkinin svo ánægð að sjá hvort annað og voru agalega lengi að sofna svo kvöldið fór að mestu í spjall á milli þess sem við systur fórum inn til litlu grísanna og ég litaði á Ínu hárið :o)

Laugardagurinn var tekin rólega, fengum Bóas í hópinn þegar Eygló og Hannibal fóru suður til að vera við útskriftina sína. Lékum bara með krökkunum og tókum okkur til fyrir veisluna. Við Ína vorum svo mættar uppá Furugrund til að setja saman marengsterturnar, skera í rétti og henda öllu fram á veisluborðið rétt í tæka tíð fyrir veisluna. Miklar og góðar veitingar...Mmmmm. Þau skötuhjú fengu líka engar smá gjafir. Um kvöldmat var haldið á Eyrarflötina þar sem við gáfum krökkunum snarl í magann og háttuðum ofan í rúm. Ína og Sigurpáll kíktu svo aðeins í veislu 2 á Mörkina þar sem útskriftarparið hélt partý fyrir vini. Við Stefán vorum heima og horfðum á mynd sem er með þeim allra slökustu myndum sem við höfum horft saman á í gegnum tíðina, My Super-ex-girlfriend. Hrotti einn!

Við komum heim um 3 leytið í dag, sæl og glöð eftir helgina, skelltum okkur í Ikea familian og fjárfestum í hillum handa Kolfinnu skvísu undir allt dótið hennar. Skipulag sjáiði til ;o) Settum hana saman í sameiningu sem gekk vel enda Stefán með eindæmum góður í-skrúfari og við mæðgur afar ánægðar með hilluna inni í herbergi hjá okkur í stað dótakassanna 3ja.

**Þannig var nú helgin....Ný crazy vinnuvika framundan....Verð að halda einbeitningunni núna næstu vikur, þetta er ALVEG að verða búið!

2007-02-22T22:30:00.000Z

Fiskibollurnar slóu í gegn!
Ég var NUNNA í vinnunni á öskudag á meðan Gummi (afi hennar) var hjá Kolfinnu, fékk nett samviskubit en svona er lífið.
Kolfinna garmurinn með berkjubólgu, búin að vera með hita síðan á sunnudagskvöld og fékk sýklalyf í dag og þarf að taka því rólega framyfir helgi og helst á meðan hún er á sýklalyfjakúrnum. Þurfum að mæta aftur í næstu viku til að láta hlusta aftur. Svakaleg þessi veikindaalda sem herjar á marga landsmenn !

Á laugardag útskrifast systir mín og Hannibal hennar....Ótrúlega gaman og ég er svo innilega ánægð fyrir þeirra hönd :oD

Bónus býður alltaf betur, lækka virðisaukaskattinn um 7% strax á morgun bara... :o)

Despó góður í kvöld, langar svoleiðis að lemja helv... tíkina hana Edie!!!
**Hananú

2007-02-19T16:07:00.000Z

Húsmæðraorlof Pækanna í Svignaskarð var meiriháttar!
Í dag Bolludag er ég heima með krakkana sem bæði eru veik.. Fékk þau lasin í hendurnar í gær svo við erum bara búin að vera að dunda okkur við að baka bollur og snúða, Stefán spila tölvu og Kolfinna leika við Bóas sem einnig er lasinn heima.

Í kvöld er það svo Heroes og CSI, eeelska mánudagskvöldin, svo spennandi.

Það stefnir í að við verðum öll heima á morgun enda bæði með hita í dag. Ætla samt ekki að gera saltkjöt og baunir, Eygló kom færandi hendi með súpuna til mín af Furugrundinni í gær sem ég spara þangað til á morgun, krakkarnir fá bara grjónagraut og þá eru allir sáttir.

Vil nota tækifærið og mátt internetsins til að óska nýbökuðu foreldrunum þeim Önnu Þóru og Andra til lukku með prinsessuna sem fæddist í gær. Til lukku!!

Við bíðum svo alveg MEGAspennt eftir að lítil frænka eða frændi Gerðar og Óla líti dagsins ljós. 21. febrúar er flottur dagur, ekki slæmt að deila afmælisdegi með honum Hannibal og svo er öskudagurinn þá og allir að halda hann hátíðlegan :o)

Ætla að fara og henda í fiskibollur með gulrótum og hvítlauk. Deigið þarf nefnilega að standa í klukkustund áður en þær eru steiktar. Girnileg uppskrift sem er í fiskbæklingnum frá Lýðheilsustöð sem kom í póstkassann fyrir helgi.
**Bollur bollur

2007-02-15T22:21:00.001Z

Öskr! Mín er pirri-pirri-pú..!

Bústaðurinn var tvíbókaður svo við Pækurnar erum bústaðarlausar eins og er. Skýrist á morgun....
Mig sem var farið að hlakka fáránlega mikið til.

Despó góður í kvöld, eeelska að kúra undir teppi og horfa á imbann, í alvöru, það er svakalegt hvað ég eeelska að horfa á sjónvarpið.
Talaði annars MIKIÐ í símann í kvöld: Við Ínu í 42 mín., afa í 36 mín. og Thelmu reyndar ekki nema í rétt 11 mín til að fá bústaðarleysisfréttirnar :o(
Ömurleg nýja kókómjólkurauglýsingin.......
Það er SVOOO öruggt að ég verð nett pirruð ef við fáum engan bústað um helgina!

**Allt eitthvað svo Ö-legt í kvöld...hehe.
Hvað á ég annars að vera á öskudaginn, maður verður að vera í búning eins og krakkarnir í
Selinu c¨,)

2007-02-13T20:56:00.000Z

Mín bara að blogga færslu tvö í dag.... on blogfire ;o)
Hannibal benti mér á Mika í "viðtali" og vil benda ykkur á að lagið Lollipop er einmitt í miklu uppáhaldi hjá mér líka ásamt Happy Ending og tveimur lögum sem ég man ekki titilinn á...Gaurinn er BARA kúl söngvari og ekki spillir útlitið neitt! Hvet ykkur til að smitast, maður verður svo glaður á að hlusta á hann syngja.

Ég vil aukreytis óska henni Kristínu Óladóttur góðvinkonu minni til lukku með afmælisdaginn í dag, 26 stelpan... Til lukku skvísípæ :o*

Í dag varð hún Helga Signý kunningjakona mín með meiru móðir í 3ja sinn þegar hún ól 16 marka prins svo tvibbarnir Sindri Snær og Andri Fannar eru orðnir stóru bræður... Til lukku með þetta elsku fjölskylda!
**Sucking too hard on your lollipop, loves gonna get you down...Say love, say love...

2007-02-13T09:55:00.000Z

I could be brown
I could be blue
I could be violet sky
I could be hurtful
I could be purple
I could be anything you like
Gotta be green
Gotta be mean
Gotta be everything more
Why don't you like me?
Why don't you like me?
Why don't you walk out the door!

Þetta er viðlagið við Theme-song-ið mitt þessa dagana, algert bull, verð að viðurkenna það en flott og grípandi lag til að dansa við á meðan maður þvottast, vaskar upp, ryksugar o.s.frv.!
Hægt að hlusta á það hér og það heitir Grace Kelly :o)

Ég hljóp 2 flugvallarhringi í morgun *mont mont*
Hlustið á Grace Kelly á meðan þið gerið húsverkin, þori að veðja að þið fáið það á heilann eins og krakkarnir í vinnunni...hehe.
**Do I attract you? Do I repulse you with my queasy smile?

2007-02-12T11:21:00.000Z

Hádí..
Meiriháttar staffapartý á föstudag, setti inn fullt af myndum svo endilega kíkið á fallega og skemmtilega fólkið sem ég vinn með 5 daga vikunnar :o)

Stefán garmurinn veikur um helgina svo það varð ekkert úr Skagaferð því nú ver og miður. Vorum bara heima í kotinu, við Eygló og Hannibal kíktum á smáhundasýningu með krakkana í Garðheimum í gær, krakkarnir voru mun hrifnari að dúkku sem var þarna heldur en hundunum.

Vikan leggst vel í mig bara... Gerður skráð í dag, takk fyrir takk. mikil spenna, Kolfinna að verða stóra frænka pabba síns megin.
Fer með opelskvísuna mína í hægri-stýrisenda-skiptingu núna í hádeginu og svo eru fleiri þátttökuathuganir auk þess sem maður verður að fara að skrifa eitthvað niður á blað og greina. Um helgina er svo sumarbústaður með Pækunum, hlakka alveg svakalega til. Í kvöld er það Heroes og CSI.

Ætla að prófa túnabollurnar á morgun mamma.
**Núna er það þvottur og meiri þvottur.....

2007-02-07T23:35:00.000Z

Er hrokkin í gang!
Fyrsta þátttökuathugunin gekk svona líka vel, þetta var meiriháttar gaman... Eeen, ekki alveg eins gaman samt að sitja í 3 og 1/2 tíma með headphone og hlusta á leikinn og pikka inní tölvuna ALLT sem gerðist þennan 1 og 1/2 tíma sem ég sat.
Er komin með hálsríg og rasssæri :o(

Eeeen, mín er hrokkin í gang og það er fyrir öllu :oD
**Góða nótt

2007-02-06T08:44:00.000Z

....Skipulag....

Það er eitthvað sem ég gæti ekki verið án en það kemur þó fyrir að það fari út um þúfur að einhverju marki.
Með því að skipuleggja, nýtir maður tímann betur og það veitir ekki af þar sem tíminn hreinlega þýtur áfram, maður sparar líka pening takist manni að skipuleggja þau mál og manni verður oftar en ekki meira úr verki.
Þrátt fyrir alla þessa skipulagni mína er ég ekki enn byrjuð á The ritgerð neitt af viti. Fer í fyrstu athugunina á morgun, hlýt að hrökkva í gang þá.
Það vill líka þannig til að það er miklu skemmtilegra að skipuleggja það sem gaman er, eins og til dæmis hvað á að vera í matinn. Gæti velt því endalaust fyrir mér þó að það endi alltaf frekar simpelt þar sem krakkarnir kunna ekki ennþá nógu gott að meta ;o)
Það er líka alltaf gaman að skipuleggja fram í tímann, ferðalög, saumó og eitthvað skemmtilegt.... Það er bara snilld að skipuleggja. Mæli eindregið með því.

Treysti mér samt ekki til að gefa út bók eða halda námskeið fyrr en skipulag heillar viku standist alveg 100%!

Verð að tjá mig aðeins um Heroes þættina, þeir eru snilld! Við mæðgin erum alltaf að kíkja á klukkuna í auglýsingahléum því við viljum einfaldlega ekki að þátturinn sé búinn. Hann er líka svo sætur hann yngri Petrelli bróðirinn með skakka munninn sem kann að fljúga :o)

**Segjum það í bili bara

2007-02-04T10:37:00.000Z

Hvað er með þennan snjó alltaf?! Pirr pirr....

Vann til hálf sex á föstudag, sótti Krua Thai og brunaði til Ragnhildar þar sem við borðuðum saman og spjölluðum fram á nótt. Enduðum bara þrjár, ég, Ragnhildur og Sandra en það var huggó samt sem áður.
Í fyrrinótt spratt ég upp við þvílíkan hávaða, klukkan var ekki nema 05:00! Þvílíku lætin frammi á gangi, öskur og væl...Nágrannakærleikurinn er ekki mikill eftir þessa nótt! Urrr..

Hljóp hringinn minn þegar ég vaknaði, tók tímann og er ekki nema 10 mín. að hlaupa hann sem þýðir að næst verð ég að hlaupa tvo, kannski ástæðan sem ég er ekki enn farin út í dag..hmmm.
Var annars bara dugleg í heimildaleit fyrir ritgerðina í gær, kíkti á þau í 232 og var boðin í dýrindis fisk hjá þeim í 235. Horfðum á Mi:III, svo var bara farið að sofa um miðnætti.

Er svo byrjuð að taka af rúmunum, búin að vaska upp og stefni í létt þrif hérna í kotinu mínu. Á eftir að gera matseðil fyrir vikuna og skreppa í Bónus áður er krakkarnir koma.
**Ta ta

2007-02-01T11:19:00.000Z

Fór út að hlaupa í morgun !!
Komst allan flugvallarhringinn eins og ég kalla hann, hlaupandi, go girl!

2007-01-31T22:31:00.000Z

Hola..
Manni langar bara að læra spænsku eftir ANTM í kvöld..híhí.
Fyndið líka að hafa séð umræddan One Tree Hill þátt fyrir áramótin og hafa þá ekki haft hugmynd um að það væri ein stelpan í ANTM að leika gelluna.

Stuð að mæta í vinnuna í gær, var með hor, hóstandi og svoldið sloj en alltaf gaman að hitta krakkana sem tóku mér fagnandi og ég fékk nokkur knús :o)
Sótti Kolfinnu eins og vanalega eftir vinnu og þá var bara búið að flytja litluna mína alfarið yfir á aðra deild og hún tók rígmontin á móti mér og sýndi mér Bárudeildina sína með bros hringinn þessi elska. Fengum Ellen og Emblu í heimsókn, Kolfinna mín var bara nokkuð gestrisin framanaf en frekar uppstökk eitthvað og þreytt, það tekur á að skipta um deild.

Fór á námskeið eftir vinnu í dag, lærði svo sem ekkert nýtt en alltaf gott að rifja upp og minna mann á hlutina. Seinni hluti námskeiðisins á morgun og þá verður tekið á öryggismálum og skyndihjálp sem er eitthvað sem ég er alltaf hrædd um að kunna svo aldrei þegar á reynir svo það verður bara gott mál.

Svo er bara að fara að demba sér í blessuðu ritgerðina, ekki má hún verða út undan í allri þessari vinnu, þarf kannski að minnka við mig þegar líður á, er samt að reyna að byrja strax og vinna jafnt og þétt í henni en tíminn sem ég hef á morgnanna er eitthvað svo stuttur og það er bara febrúar all ready á morgun. Svo er ég ekki enn farin að hreyfa mig og ætlaði varla að hafa af 10 armbeygjur hérna á stofugólfinu áðan þegar ég fékk þá hugmynd að testa mig svoldið, ég sem var farin að taka 100 frekar auðveldlega í byrjun desember!!
Það er víst ekki allt hægt í þessu lífi, maður verður að velja og hafna :o)

Ég er samt frekar slök á kvöldin alltaf, vil helst bara sitja og horfa á imbann eftir að krakkarnir eru farin að sofa. Spurning um að nýta þann tíma betur.....Spái aðeins í því.

Pabbahelgi annars framundan...Það þýðir fullt af tíma fyrir mig. Við Stefán förum fyrst saman í viðtalstíma á föstudag og hann fær einkunnir og svona, hann fær alveg örugglega fyrstu einkunn í að vera yndislegastur, hitt er bara plús :oD
Svo á föstudagskvöldið ætla ég að fara til Ragnhildar og borða og spila með Trillunum mínum. Stefnan sett á MRL kl.9:15 á laugardagsmorguninn hjá Callie, veit varla hvort ég þori...hmmm. Svo ætla ég að fara í heimildaleit og vinna að grindinni fyrir ritgerðina og undirbúa þátttökuathuganirnar í næstu viku. Taka góða ritgerðarhelgi.

**Mjæja...Farin að geispa, ble.....

2007-01-29T20:20:00.000Z

One Tree Hill er fínn þáttur, get ekki sagt það sama um O.C :oS
Heroes á eftir...mega spennó. Þriðja sería af Lost að byrja líka en hef hingað til tekið CSI framyfir, held ég haldi því áfram.
Mánudagskvöldin SVO frátekin fyrir imbann.

Er öll að koma til af inflúensunni, hósti og sviti svona það sem eftir er svo á morgun er það skóli og vinna.

Spennandi febrúar framundan.... Spilakvöld með Trillunum og hin árlega sumarbústaðaferð Pækanna auk alls þess sem hinn annars ágæti hversdagsleiki hefur uppá að bjóða.

Er búin að horfa á Brúðubílinn á dvd með henni Kolfinnu um helgina, krúttleg og falleg skemmtun sem ég mæli eindregið með sem hófleg, að sjálfsögðu afþreying yngri kynslóðarinnar.

**Það er nebblega það

2007-01-28T20:30:00.000Z

...Úldn, úldn...Enn drulluslöpp og ekkert á leið í vinnuna á morgun.

Mig langar að hrósa fólkinu í kringum mig og hrós janúarmánaðar fá þrír einstaklingar:
*Hann Siggi föðurbróðir og greinilega diggur lesandi bloggsins kom færandi hendi til mín í dag með fullan haldapoka af dvd myndum, malt, coke-light, 3 malta súkkulaði og kryddaða kjúklingaleggi til að henda í ofninn. Hugulsemi og náungakærleikur sem þessi gerir lífið svo yndislegt!
*Eygló systir mín og Hannibal minn fyrir að vera búin með háskólanámið sitt!!
Jebb, þau skiluðu BA og BS ritgerðunum sínum inn á föstudag og útskrifast þann 24. febrúar n.k., gæti ekki verið stolltari af þeim. Eygló fær líka extra hrós fyrir að þakka mér í Formála ritgerðarinnar... *roðn-mont*

Fullt af yndislegu fólki í kringum mig sem á skilið að fá hrós en læt þrjú nægja þennan mánuðinn.

**Sæl að sinni

2007-01-27T17:03:00.000Z

Það varð heldur betur úr kvefinu, stelpan fékk inflúensu takk fyrir! Lagðist í rúmið í gær og ligg enn....
Þar fór helgin með molunum mínum :o(
Stefán fékk að fara aukaferð uppá Skaga og Kolfinna er með Helga úti í bæ.

Coca cola light hefur yfirhöndina í könnuninni, ekki spurning :oÞ
Ætla að halda áfram að liggja fyrir...
**Inflúensukveðjur

2007-01-24T21:51:00.000Z

Mætti í náttfötunum í morgun. Púff, erfiður en skemmtilegur dagur.
Hálsinn að versna, boðar ekki gott.
Er utan við mig eitthvað þessa dagana, erfitt að komast í gang, janúar er ekki að gera sig fyrir mig greinilega en þá er nú gott að það er febrúar í næstu viku ;o)

Er að súpa á coca cola light, finnst það orðið mun betra en maxið frá pepsi. Veit ekki hvað það er en veit að Ragnhildur er ekki sammála mér. Hendi fram smá könnun, hvað finnst ykkur, hvort er betra?

Svo er Skjár 1 að auglýsa endurkomu Silvíu Nætur...Lýst ekkert á það, örugglega til betra sjónvarpsefni en þeir þættir. Nógu slæmt að hann sonur minn vilji horfa á South Park! Silvía kannski öllu skárri svosem, veit það ekki.

Veird þessi þættir, The Real Houswifes of Orange County. Þær skruppu bara í demantaverslunarleiðangur saman og sem dæmi keypti ein sér hálsmen upp á 40,000.- dali!!
Eins og kannski lest, horfi ég mikið á imbann :oÞ

Úr einu í annað:
Birgitta og Bergþór skírðu 3ju prinsessuna sýna Amanda Bríet, Bríetar nafnið alltaf í uppáhaldi hjá mér og var með stelpu í skólanum sem heitir Amanda og hef ekkert nema gott um hana að segja svo finnst þetta skemmtilega falleg samsetning, óska þeim innilega til lukku.

**Býð svo bara góða nótt

2007-01-23T11:46:00.000Z

Farið að hlýna... Við Opelskvísan mín erum sáttar við það, reif samt baksýnisspegilinn úr í gær, vissi ekki að ég væri svona sterk!

Er slöpp,(ekki þynnka) með særindi í hálsi og þungt yfir höfði, sárt að hósta, krossa fingur.

Fékk æðislegan fiskrétt hjá Hjalta og Vilborgu í gær sem minnir mig á það, hann á lím fyrir baksýnisspegilinn, verð að reyna að hengja hann upp í dag annars gæti vikan endað með árekstri.

Heill dagur í Selinu á morgun og náttfataþema alsráðandi, starfsfólk "ræður" hvort það mætir í náttaranum en fengum samt stingandi augnaráð frá Hjörvari sem ég las úr: "Komið samt í náttfötum!" Snoopy náttfötin eru alveg að virka, þarf samt aðeins að hugsa málið, eitthvað svo úldið og þreytt við náttföt annars staðar en heima hjá manni.

**Hungur steðjar að

2007-01-22T11:41:00.000Z

Hallú....
Mikið var gaman á laugardaginn!
Takk fyrir kvöldið kæra hússtjórn 2005-2006 + makar :o)
Ég verð bara alltaf svo svakalega þunn að skiptin sem ég fer og skemmti mér með bakkus ó-vini mínum verða æ færri og færri.
Það er svosem í góðu lagi svo framarlega sem ég hætti ekki að fara út og lyfta mér upp öðru hvoru með góðum vinum.

Eygló systir mín varð 26 í gær: Til lukku með daginn skvísa!

Nú, Birgitta átti 3ju stúlkuna þeirra Bergþórs á föstudaginn var, óska þeim innilega til hamingju! Alltaf gaman þegar fólk fjölgar sér og gengur vel.

Foreldraráðs fundur í dag eftir vinnu, starfsmanna fundur á morgun eftir vinnu, hitta leiðbeinandann minn á miðvikudag auk þess sem ég vinn allan daginn, heill dagur í Selinu... Busy busy.
Svo er eitt, það er frekar leiðinlegt að versla í Bónus eftir 5 á daginn, það er eiginlega bara eitt af því leiðinlegasta sem ég geri! Eins og er er það eini mínusinn við að vera úti á vinnumarkaðnum aftur.

**Hausinn frekar tómur þennan mánudaginn...Over and out

2007-01-16T12:12:00.000Z

Árin sem koma á óvart
-Þegar barnið breytist í ungling-

Bók ætluð foreldrum

Fór á bókasafnið í gær til að ná mér í bækur fyrir Kenninganámskeiði. Í rekkanum 370 á bókasöfnum landsins er að finna bækur og rit um Uppeldis- og skólamál og ég rakst á uppgefna bók þar. Renndi augunum framhjá henni í fyrstu en gerði mér svo ljóst að við sonur minn erum á þessum tímapunkti í lífinu svo kippti henni með.... Finnst ég enn vera svo ung og í raun bara stelpa þó að í vinnunni með 15 ára unglingunum s.l. sumar og 6 ára krökkunum núna heyri ég í sífellu andstæðuna og orð eins og "Vó, hvað þú ert gömul", "Maður er orðin gamall þegar maður verður 30 og þú ert alveg að verða það", "kerling", "kona", "kella", "gamla mín"og "mamma" heyrast oft!

Fyrir Stefáni er ég samt alltaf stelpa og alltaf yngri en allar hinar mömmurnar að auki svo þar græði ég +
Ég get samt ekki annað gert en að spyrja mig, er ég nógu gömul til að ala upp og takast á við það þegar Stefán verður unglingur??!

**Svo langar mig að deila með ykkur sem lesa að til er síða tileinkuð mér á mjög svo framandi tungumáli HEBA
Hvet ykkur eindregið til að skoða hana og upplýsa mig um tilgang síðunnar, það er að segja, ef þið skiljið málið :o)

2007-01-14T20:22:00.000Z

Ína systir varð árinu eldri í gær, orðin 23ja skvísan;

Til lukku sæta !

Helgin var notaleg, Kolfinna litla snúllan lasin svo vorum heima við og höfðum það huggó bara. Heiðruðum Ínu samt í gær, ekki hægt að sleppa því.
Svo er það alvara lífsins strax á morgun þegar skólinn byrjar formlega, kemst nú reyndar ekki á morgun svo byrja í staðinn á þriðjudag... Er komin í startholurnar alveg, það hlýtur að teljast með :o) Vikan leggst vel í mig, alltaf gaman að byrja í skólanum þó það vari stundum ekki sérlega lengi...hehe.. Og svo er næsta helgi fullbókuð hjá mér í social-lífinu aaaaldrei þessu vant. Spilakvöld með Trillunum á föstudag og "kveðjudjamm" með hússtjórninni minni á laugardag, hlakka að vonum mikið til.

Fékk síðustu einkunnina á föstudag, 9 í Hugur, heilsa og forvarnir...eeeekki slæmt þar sem meðaleinkunnin er komin í 7,22 sem þýðir 0,03 í að ég nái 1. einkunn sem er auðvitað markmiðið fyrir útskrift í vor!

1. dagurinn í dag í aftur-í-hollara-mataræði eftir jólaátið og er búin að vera að opna eldhússkápana til skiptis auk þess að kíkja nokkrum sinnum inn í geymslu í allan dag í leit að einhverju "ætu", maður þarf að trappa sig niður eftir blessuð + 3 kg jólin...hmmm. Alveg glatað að komast ekki í tímana hjá Callie eins og farið var að ganga vel og púlið að borga sig. Finnst bara ekkert spennandi að fara ein og gera "eitthvað" eins og ég myndi gera og svo er tíminn ekki alveg að leyfa svoleiðis þó að maður eigi alltaf að eyða tíma í sjálfan sig og hreyfing á einmitt þar við. Verð að finna út úr þessu hið snarasta!

**isf.is it is

2007-01-10T09:59:00.000Z

Í dag á hún elsku Jóhanna mín afmæli;

Til lukku með daginn!

Ég er umvafin fjölskyldumeðlimum og vinum sem eiga afmæli í janúarmánuði;
Birgitta varð 26 2., Thelma Hrund varð árinu eldri 3. og fyrst okkar Pækanna til að nálgast The Big and Scary 30!, Sturla varð fullorðinn í gær 9. þegar hann náði The Big and Scary 30!, Jóhanna er árinu eldri í dag, Ína sys verður 23ja á laugardaginn kemuren þá er 13. og mig minnir að hún hafi fæðst föstudaginn 13. hérna um árið, Viðar frændi verður 25 þann 20., Eygló sys og Freydís deila þeim 21. en þá verður Eygló 26 og Freydís 25 stödd út'á HM í Þýskalandi, Maja vinkona verður 28 ára önnur okkar Pækanna 23. og elskulega amma mín Heba hefði orðið 69 ára þann 24.

Þannig er nú það.
Vinnan byrjar annars vel, algerar rússlur þessir 1. bekkingar, svo opin, hugmyndarík og skemmtileg að ég óska alla daga frá 13:15-16:30 að ég væri 6 ára aftur.....
Er annars ekki byrjuð í skólanum, ekki fyrr en næsta mánudag en er svona með ritgerðarvinnuna á bak við eyrað, þarf að fara að gera rannsóknaráætlun og ramma utan um þetta allt áður en ég held með kaldan svita undir höndum og þar af leiðandi lyktandi af svitalykt sökum stresssssss á fund leiðbeinandans míns í næstu viku. Er svona aðeins byrjuð að skynja stressið, óvissuna og alla spennuna sem einkenndi Trillurnar mínar síðasta vor :o)

**Verð að fara og gera eitthvað að viti eftir að hafa velt þessu fyrir mér, later.

2007-01-09T09:41:00.000Z

Sturla Guðlaugsson er hvorki eldri né yngri en 30 ára í dag !!
Ég má nú til með að óska honum innilega til hamingju með daginn, þetta er svakalega há tala ;o)

Innilega til lukku með daginn *hóst*gamli*hóst* minn, njóttu hans í botn :o*
**Maður er heldur betur að eldast, eða kannski bara allir í kringum mann ;o)

2007-01-06T15:39:00.000Z

Þá er allt jólaskrautið komið niður í kassa og búið að ryksuga og hreingera enda jólin að kveðja að þessu sinni.

Árið byrjar vel, er komin með vinnu með skólanum. Verð að vinna í frístundaheimilinu Selinu sem staðsett er í Melaskóla, frá 13:15-16:30 alla virka daga. Ég verð í skólanum á mánudögum og þriðjudögum til 11:30 og aðrar klukkustundir í sólarhringum vikunnar fara í rannsóknina mína, skrifa ritgerðina, halda heimili og ala upp börnin mín :o)

Heimsótti Lilju og Teit í gær sem er kannski ekki frásögufærandi nema það að við sátum og skoðuðum leigumarkaðinn á netinu meðal annars og Heba fékk bara fyrir hjartað! Verðin á leigu eru sky-high og bara vel það..... Þannig að ef þú ekki átt íbúð til að leigja mér þá kannski þekkiru einhvern sem gerir það eða þekkir ef til vill einhvern sem þekkir einhvern sem á íbúð :o) Er nú búin að nefna við hana systur mína (Eygló) og biðja þau að skoða möguleikann á að leigja saman en það hlaut ekki mjög góðar undirtektir. Það eru svosem plúsar og mínusar við það en persónulega finnst mér plúsarnir vera mun fleiri.

**Meðleigjandi óskast ;o)

2007-01-03T13:25:00.000Z

Annáll 2006

*Eygló litla systir mín varð 25 ára í janúar.
*Ég var í hússtjórn Vetrargarða þangað til í haust og það var rosalega skemmtilegt þar sem við héldum fundi reglulega með miklu gúmmelaði-svona nokkurskonar saumó og héldum skemmtanir fyrir yngstu íbúa hússins. Eignaðist góða vini og kunningja úr þeim hópi.
*Í mars, nánar til tiltekið 4.-7. mars skellti ég mér til DK, gamla góða Aarhus þar sem ég heimsótti Írisi og Báru, fór út á lífið og verslaði auðvitað heilan helling á mig og krakkana.
*Prófin gengu vel í maí og eftir þau hófst sumarvinnan, ég vann sem leiðbeinandi í vinnuskólanum og var með hóp af 9. bekkingum í heimagörðum og sumarið var meiriháttar skemmtilegt.
*Thelma æskuvinkona mín og Pæka giftist Jóa sínum á þjóðhátíðardaginn, sama dag og mamma og Kristján áttu 2 ára brúðkaupsafmæli (eins gott að fara með þetta rétt, sorry mamma :oS). Við vinkonurnar gæsuðum hana viku fyrir stóra daginn og það var meiriháttar gaman.
*2. júlí varð ég árinu eldri, 27 ára og það var í fyrsta sinn sem ég hélt ekki uppá daginn en þau mistök geri ég ekki aftur :o(
*Stefán Bjarki varð 11 ára í sama mánuði og hélt hvorki meira né minna en 2 veislur í tilefni þess.
*Við systur ásamt fylgifiskum leigðum okkur sumarbústað í Svínadal og fórum í helgarferð saman sem héðan í frá verður árlegur viðburður hjá okkur.
*Kolfinna byrjaði á nýjum leikskóla og eftir erfiða aðlögun er hún alsæl. Hún varð 2ja ára 9. september og í tilefni var haldin mikil afmælisveisla henni til heiðurs.
*Mamma og Kristján komu til landsins í ágúst og heimsóttu okkur systur.
*Rockstar æðið á Íslandi náði hámarki með tónleikum Magna og Dilönu á Broadway og ég lét mig að sjálfsögðu ekki vanta og skemmti mér meiriháttar vel í góðum félagsskap.
*Í einhverju móki bókaði ég ferð til DK og fór þangað að morgni 11. nóvember, verslaði allar jólagjafirnar nema 3 og heimsótti mömmu og c.o, hitti Írisi og Arnar og gisti hjá henni Kristínu Óla í kóngsins köbenhán.
*Haustönninn í skólanum gekk vel en var strembin og í þessum töluðu orðum er ég enn að bíða eftir einkunnum.

Í heild var árið 2006 gott en jafnframt strembið, fann til dæmis fyrir því í sumar hversu erfitt er að vera ein þegar maður þarf að vera í vinnu frá 8-16 og eiga eftir að gera ALLT annað þegar heim kemur á meðan maður ræður sér algerlega sjálfur með skólann þó það krefjist mikils aga og einbeitningu er það öðruvísi.

Það sem stendur uppúr á árinu eru yndislegu börnin mín, hvað ég er rík að eiga þau að, þau gefa mér svo mikið og eru mér mikil hvatning til að standa mig vel í því sem ég tek mér fyrir hendur.

Ég gekk í gengum ýmislegt persónulegt á árinu sem gekk vel að vinna úr með hjálp yndislegra vina.

Nú svo er sambýlið hérna á görðunum búið að vera meiriháttar og ég búin að styrkja böndin við systur mína og fjölskyldu og við Freydís líka orðnar góðar vinkonur auk þess sem við fjölskyldan eignuðumst góða vini þau Hjalta, Vilborgu og Ragnheiði Elísabetu sem hafa reynst okkur vel og verið meiriháttar að kynnast.

**Þannig var nú árið 2006 í STÓRUM dráttum.....

2007-01-01T11:12:00.000Z

Gleðilegt árið 2007

2006-12-28T14:25:00.000Z

Áramótaheit er eitthvað sem ég hef ekki strengt í mörg ár, ekki síðan ég var í 9.bekk og ætlaði að hætta að borða nammi... Hmm, eins og það hafi gengið upp hjá súkklaðigyðjunni sjálfri!

Þessi áramótin 2006-2007 ætla ég hins vegar að strengja ein. Hver þau eru, er trúnaðarmál en er búin að vera að undirbúa í svolítinn tíma og hlakka til að hefja nýtt og betra ár með þetta markmið að leiðarljósi.

Árið 2007 á eftir að verða mjög viðburðaríkt hjá mér og krökkunum þar sem allt stefnir í útskrift mína í vor og þar af leiðandi búferlaflutninga og atvinnuleit, fæ fiðrildi í magann við tilhugsunina - er bæði spennt en kvíði líka mikið fyrir því að flytja af görðunum og fara í aðra átt en Eygló sys og c.o, Freydís mín og c.o og Vilborg, Hjalti og Ragnheiður Elísabet. Á erfitt með að ímynda mér svona góða granna á nýja staðnum....

Ég hlakka samt sem áður til að hefja nýtt ár, maður má eki vera of svartsýnn, breytingar eru oft af því góða (skulum við ganga út frá allavega).

Í kvöld er jólasaumó hjá Pækunum, það verður notó þar sem við erum allar á landinu aldrei þessu vant :o)

**Set inn annál ársins 2006 bráðlega ;o)

2006-12-25T19:38:00.000Z

Blessuð jólin gengin í garð og aðfangadagskvöldið var notalegt þrátt fyrir að gullmolana mína tvo hafi vantað. Anton og Bóas voru í stuði svo þetta var mjög gaman bara. Vorum að koma úr jólaboði hjá afa og Sigríði, dýrindis hangikjöt og með því.....Mmmm.

Fékk helling af fallegum jólagjöfum þetta árið og krakkarnir enn fleiri, alltaf gaman að fá pakka þó maður eldist með hverju árinu. Takk fyrir okkur allir :o*

Við Ína erum tvær í kotinu í kvöld, Anton sofandi svo ætlum að hafa það notó, borða meira Mackintosh og drekka jólaölið eina sanna, kannski Eygló og Hannibal kíki í spil.

Það eru svo bara 4 dagar í að Stefán og Kolfinna komi til okkar og þá verður heldur betur stuð á bænum :o)

**Hafið það notalegt yfir hátíðarnar

2006-12-20T15:29:00.000Z

Loksins - loksins!
Ég er komin í jólafrí, ekki seinna vænna :o)
Mikið er ég glöð og svo gekk svona glimrandi í báðum prófunum... Aahhhh.
Segi bara að sinni:

Gleðileg jól elskurnar

**Heba í jólafríi :oD

2006-12-17T20:03:00.000Z

HBM módelið
TTM mótelið
TPB módelið
TRA módelið... gæti haldið svona áfram, man bara ekki fleiri í augnablikinu sem segir mér að ég þurfi að lesa betur fyrir prófið.

Step up er mynd sem mig var búið að hlakka rosalega til að sjá þar sem ég komst ekki á hana í bíó á sínum tíma, GOD hvað myndin er léleg! Tók hana í gær og fór með til Thelmu þar sem við komum okkur vel fyrir í notalega sófanum hennar. Alger B-dansmynd sem er alveg eins og allar hinar dansmyndirnar sem hafa komið út. Stelpan var ekki nógu sæt og alveg glötuð leikkona, söguþráðurinn sökkaði og tónlistin líka. Gaurinn er sætur og dansatriðið í lokin flott...that's it!
Þannig er nú það.

Ekki nema 2 skóladagar og ein jólaskemmtun eftir hjá Stefáni, 1 próf hjá mér og 3 leikskóladagar hjá Kolfinnu og þá eigum við 2 notalega daga saman áður en blessuð (einmana) jólin ganga í garð.
**Þannig er nú það

2006-12-14T09:08:00.000Z

Mynd vikunnar á vel við færslu dagsins......

"Mamma, þú kannt ekki að keyra, bara pabbi" !!!!!

Þessa setningu fór hún Kolfinna mín með í morgun í bílnum þar sem ég í sakleysi mínu keyrði hana í leikskólann :o(

**Hmmmm...

2006-12-11T15:24:00.000Z

HÚRRA !!

Ritgerðin er búin, var að koma úr Odda eftir að hafa prentað hana út og skilað :o)
Kláraði hana á laugardagskvöldið svo sunnudagurinn fór í að þrífa allt hátt og lágt (ekki inni í skápum samt en skúraði og allt), hlusta á jólalögin á Bylgjunni, klára að skrifa öll jólakortin og pakka inn öllum jólagjöfunum! Á bara eftir að kaupa handa Stefáni, ætla að geyma hana fram yfir próf svo maður eigi eitthvað eftir *mont mont*

Er svo búin að vera á snatti í dag ásamt Helga Reyni, bauð mig fram við að aðstoða hann í jólagjafaleiðangri sem gekk svona ansi vel, hann kláraði allar sínar gjafir með minni hjálp í Kringlunni áðan :o)

One Tree Hill 20:00 á Skjá 1 og úrslitaþáttur So you think you can dance í kvöld 21:00 á Sirkus, held með Benji og Heidi.
Á morgun er það svo blessuð Aðferðafræðin...reikna reikna.

**Ætla að sækja bjútíbolluna mína á leikskólann og fara með 3 ruslapoka af fötum í Fjölskylduhjálp.

2006-12-08T21:41:00.000Z

Ég er ekki laus við þreytu á þessu ágætis pabbahelgar-föstudagskvöldi.
Er búin að vera dugleg í umtöluðu ritgerðinni minni í dag.
Hún er um leiki barna svona ef þið vissuð það ekki :oÞ

Ætla að fara og horfa á einhverja mynd á stöð 1
Ræktin og ritgerðin á morgun......
**Vink-vink

2006-12-05T10:26:00.000Z

Anna frænka (þessi sætari hægra megin) á 21 árs afmæli í dag !
Til lukku með daginn elsku Anna mín, vona að hann verði frábær og þú njótir hans í botn.
Kossr og knús frá frænku og c.o :o*

2006-12-04T22:40:00.000Z

So you think you can dance... Óska þess á hverju mánudagskvöldi að ég kynni að dansa svona flott!
Það er geggjað að horfa á þau dansa, salsaatriðið hjá Benji og Heidi (hér að ofan) var geggjað í kvöld!
Hvað úrslitin varðar hef ég á tilfinningunni að Travis vinni en held með frændsystkinunum Benji og Heidi, þau eru geggjuð og manni líður eitthvað svo vel að horfa á þau dansa.
Allir að horfa á morgun kl.21:00 á Sirkus, alveg hægt að taka smá pásu frá öllu öðru rétt á meðan ;o)

Ef ég finn tíma eftir áramót ætla ég að fara á dansnámskeið, ef ekki þá bara þegar tími finnst.... Í ellinni þess vegna, skal læra spor þótt það verði mitt síðasta..hehe.
Smá "fróðleikur" fyrir ykkur með fyrir svefninn:

Þú ert léttsteikt dramadrottning.

Ef dramadrottningar væru hamborgarar sem fengjust
"rare",
"medium rare",
"medium"
og "well done"
værir þú "medium rare", léttsteikt og meyr undir tönn. Léttsteiktar dramadrottningar eru ávallt gerðar úr besta hráefni. Þær eru lífrænt ræktaðar og því í raun móðgun að líkja þeim við hamborgara. Nær væri að framreiða þær sem steikur með góðri rjómasósu og bökuðum kartöflum.

Léttsteiktar dramadrottningar skammast sín ekki fyrir að vera dramadrottningar. Þvert á móti eru þær stoltar af því og leggja rækt við þann hluta persónuleika síns. Gott jafnvægi ríkir á milli drama og yfirvegunar. Í raun hefur léttsteikta dramadrottningin fulla stjórn á dramatíska hluta heilans. Hún er því fær um að halda dramanu í skefjum þegar við á en gerir út á það þegar hún er í stuði til þess.

Léttsteiktar dramadrottningar eru tilfinningaríkar. Þær eru gjarnan leiðtogar í vinahópi sínum, eru vel liðnar af flestum, dáðar af mörgum en einnig öfundaðar af sumum. Hin léttsteikta drottning er hins vegar haldin jafnaðargeði og lætur hólið ekki stíga sér til höfuðs eða öfundsýki koma sér úr jafnvægi.

Hversu mikil dramadrottning ert þú?

Þar hafiði það kæru þið :o)
**Þreyta, góða nótt sweeties
P.S. Anna María frænka, njóta skaltu síðustu klst. sem þú ert 20..híhíhí.

2006-12-02T15:21:00.000Z

Þið eruð svo yndisleg :o*
Takk fyrir öll pústin elskurnar, sendi ykkur ást og fullt af henni til baka...

**********
Stefán Bjarki fékk ælupest og niðurgang aðfaranótt föstudags garmurinn svo við sváfum í sófunum á milli æla og klósettferða.

Dagurinn í gær var betri, hélt niðri því litla sem hann kom ofan í sig. Það varð því ekki mikið um ritgerðarskrif í gær. Sat þess í stað og hjúkraði honum og skrifaði helminginn af jólakortunum þess á milli.

Í dag er ég svo búin að sitja fyrir framan tölvuna síðan 10 í morgun, er enn á náttfötunum meira að segja! Klámritgerðin búin, á bara eftir að laga heimildaskrána og prenta út... Húrra!
Er í þann mund að fara að koma mér á fætur, ryksuga og skella mér í Bónus: Hamborgari með öllu tilheyrandi í matinn í kvöld :o)

Sérefnisritgerðarvinnan heldur svo áfram eftir kvöldmat þegar krakkarnir eru komnir til draumalanda.
**Lífið er bara nokkuð ljúft svona þegar á heildina er litið :o)

2006-11-30T11:13:00.000Z

Þarf aðeins að hella úr, það eru ekki vogarskálar heldur 10L fötur af pirringi, stressi og vonleysi!
Svona dagar eru alveg til að eyðileggja allt bara.
Er gangandi tímasprengja, tikk-takk :
Fékk næst lægstu einkunn fyrir ritgerð sem ég hef fengið á öllum HÍ ferli mínum í gær og sú lægsta var fyrir mína allra fyrstu ritgerð í háskólanum þegar ég kunni ekki að gera heimildaskrá, hvað þá að nota heimildir, fékk semsagt 6,5 fyrir ofbeldisritgerðina mína! Er ekki alveg sátt við þetta/mig eins og gefur að skilja. Þetta þýðir að ég þarf að endurskoða klámritgerðina mína og fá ekki minna en 7,5 fyrir hana vilji ég halda í 1. einkunn meðaleinkunna fram að útskrift!

Æi, svo gengur sérefnisritgerðin ekki vel, finnst ég bara ekki kunna að skrifa ritgerð núna, einungis 8 skrifaðar bls. komnar af 20-25 :o(

Á eftir að reikna 3 kafla í Aðferðafræði auk þess að fá þær glósur fyrir þá tíma sem ég mætti ekki í, endurskrifa og raða glósunum, lesa og reikna fyrir prófið sem er 15. des.

Lesa svakalegt magn af efni, glósa og læra nokkur stk. heilsumódel utan að fyrir Hug, heilsu og forvarnarprófið 20. des.

Fyrir utan venjulegan heimilisrekstur, að skrifa jólakortin og senda þau, kaupa 2 jólagjafir, pakka inn öllum jólagjöfunum sem ég venjulega eeeelska að gera. Svo það versta, að vera án barnanna minna yfir jólin þegar loksins allt stress og öll geðveiki er búin.

**Í alvöru, þá stundum bara stinkar lífið (life stinks ;o))

2006-11-29T14:47:00.000Z

Varð sko að hafa þetta með!!

You Are an Excellent Cook

You're a top cook, but you weren't born that way. It's taken a lot of practice, a lot of experimenting, and a lot of learning.
It's likely that you have what it takes to be a top chef, should you have the desire...

Are You A Good Cook?

*Mont mont mont*
Það er auðvitað helling að marka svona, tek auðvitað ekki mark á neinum efasemdum sko!

2006-11-29T14:29:00.000Z

Þar hafiði það:

You Are 56% Control Freak

Generally, you are in control but not a control freak. You life is usually in order.
However, sometimes you get too obsessed with making everything in your life picture perfect.

Are You A Control Freak?

Ekki svo slæmt ;o)

2006-11-27T11:06:00.000Z

>>Mánudagur til mæðu<<

Er strax komin með hnút í magann yfir sérefnisritgerðinni sem ég á að skila 4. des.!
Klámritgerðin gengur hinsvegar vel, komin með 16 bls. og á bara eftir að fínisera hana.

Helgin var eins og best verður á kosið bara, kíkti í Ikea með Eygló og c.o á föstudag, alltaf gaman að kíkja þangað. Áorkaði að kaupa jólapappír, þemað í ár verður gull, silfur og rautt. Massaði svo klámmyndina og greindi hana á föstudagskvöldið. Hélt áfram á laugardag til að verða 14:00 en þá var farið í að finna outfit-ið fyrir kvöldið og sjæna sig.
Jólahlaðborðið sjálft var ok. Myndi ekki gefa úrvalinu 10 en ég er nokkuð sátt þar sem hangikjötið, kartöflurnar, uppstúfurinn, grænu baunirnar og rauðkálið var á sínum stað ásamt síldinni góðu og reyktum laxi. Fékk mér 2 væna skammta af þessu og var nokkuð sátt.
Það var jólastemming á Fjörukránni, sungið og trallað. Við familian áttum saman mjög svo notalega kvöldstund.
Takk fyrir kvöldið elskurnar :o*
Sem betur fer eru enn eftir 3 dagar af stjörnuspánni góðu.....
**Þarf að drífa mig í tíma og skila um leið forvarnarverkefni okkar Ólafar.

2006-11-24T16:10:00.000Z

Sat og drakk te og las Birtu.
Má til með að setja inn stjörnuspá mína fyrir komandi viku, 24.-30. nóvember:

Heppnin eltir krabbann uppi og er hann ekki undanskilin rómantíkinni sem svífur yfir öllum merkjum núna. Ekki kæmi á óvart að krabbinn fyndi hina einu sönnu ást.

Ég get ekki annað sagt en bara, já takk.
Jólahlaðborð á morgun, um að gera að vera sæt og fín ;o)
**Is love in the air?

2006-11-23T10:44:00.000Z

Mynd vikunnar er í takt við ritgerðarþemað mitt: Ron Jeremy

Brrr... Það er kalt!
Pabbahelgi framundan og þá á að klára eitt stk. klámritgerð og fara á jólahlaðborð í faðmi stór-fjölskyldunnar pabbamegin (ef stór-fjölskyldu skildi kalla..hehe):
Ég
Eygló + Hannibal
Ína + Sigurpáll
Pabbi + Stína
Afi + Sigríður
Siggi frændi
Anna María frænkumús
Birgitta dóttir Stínu og
Rúna dóttir Stínu + kærasti
= 14 manns.
Þetta verður án efa notalegt. Allavega finnst okkur systrum gott að borða og að borða saman verður enn betra :o)

Er í smá vandræðum, vantar klámmynd til að horfa á og greina í ritgerðinni svo ég geti rumpað henni af um helgina.
Tek VEL á móti lánuðum myndum og heiti fullum trúnaði, nema hvað!
Hún er fyndinn kennarinn minn í þessum blessaða klámáfanga. Sendi póst í gærkvöldi um að nú væri búið að fara yfir efni námskeiðisins og að við þyrftum ekki að mæta í tvo síðustu tímana. Þar sem þeir eru í næstu viku mættum við Hannibal í tíma áðan ásamt slatta af fólki til að sitja það sem við tókum sem síðasta tímann. Þá bara mætir gellan ekki. Ætlar semsagt að enda misserið með ópersónulegum tölvupósti sem var svo loðinn að það hálfa hefði verið nóg. Ekkert takk og bless. Eigum eftir að fá fyrri ritgerðina til baka og alles. SPES

Ætla að brydda uppá smá nýjungum á síðunni og velja mynd vikunnar á hverjum fimmtudegi. Það kannski eykur commentin..hmmm. Verð svo að fara að finna mér nýjan teljara, þetta er ekki hægt sko.
** Heba kveður

2006-11-20T12:19:00.000Z

Í dag:

*Eiga Sigga vinkona og Sigurpáll mágur afmæli.
TIL HAMINGJU ELSKU ÞIÐ
*Vaknaði ég svakalega þreytt þar sem ég sat og lærði til 00:40, hefur bara ekki gerst síðan skólinn byrjaði í haust. Merki um aukið álag vegna verkefna og ritgerða næstu 2 vikur :o(
*Fékk ég lánaðann bílinn hjá Eygló og Hannibal til að koma Kolfinnu í leikskólann og er þeim MJÖG þakklát fyrir.
*Fór ég í atvinnuviðtal - segi ekki meir enda veit ég ekki meir fyrr en seinna.
*Er stefnan að klára forvarnarverkefni og þar með 1 af 3 stórum verkefnum sem þurfa að
klárast f/ 29. þessa mánaðar.
*Er bíllinn minn ennþá á sumardekkjunum svo hann situr pikkfastur í snjóskafli úti á
bílaplani.
*Er Ég svo þakklát í hjarta mínu honum Hjalta sem skutlaði mér í viðtalið og beið í klst.
eftir mér.
*Ætla ég að fara út í garð með Kolfinnu eftir leikskóla og búa til snjókarl, hef ekki gert það síðan úti í DK 2002 og hann var pínu-lítill.
*Hlakkar mig mikið til fjölskyldu-jólahlaðborðs-kvöldsins næsta laugardag.

Helgin var góð, ekki eins afslappandi og maður hafði vonað. Kolfinna mín kann sko að láta hafa fyrir sér, ekki bara mig heldur alla hina líka. Hún er milljón þessi elska.
**Blesssssss

2006-11-14T21:25:00.000Z

Komin heim og þar er best...
Þó svo að helgin hafi verið meiriháttar enda gæðafólk sem ég hitti og eyddi tíma með:
*Takk fyrir mig elsku mamma, Kristján, Atlas og Saga sweety...
*Takk fyrir mig elsku Kristín og Thomas, geggjaður innkaupa-körfu-driver hún Kristín og meiriháttar sófi sem þið eigið :o)
*Takk fyrir kvöldstundina á Jensens Íris og Arnar...alltaf gaman að hitta ykkur.

Er að spá í að geyma ferðasöguna þangað til síðar....Er agalega þreytt og lúin eftir ferðalagið í dag og þessar hræðilegu hellur sem ég fékk í lendingu :oZ

**Þangað til næst

2006-11-10T19:48:00.000Z

6 1/2 klukkustundir í brottför:

*Búin að pakka í töskuna í hlutföllunum 85% jólagjafir fyrir Thelmu og um 15% fötin mín..hehe
*Búin að brenna myndir á disk til að framkalla fyrir mun minni pening en hér heima
*Búin að kaupa íslenskt nammi handa dönsku Íslendingunum úti
*Rúllutertubrauðin fyrir mömmu enn í frysti en búin að skrifa minnismiða um að setja þau í
töskuna áður en ég held af stað í nótt
*Búin að græja veskið mitt sem inniheldur Visakortið, passann minn, flugmiðann,
jólagjafa-tékklistann og myndavélina að ógleymdu vaselíninu mínu

Semsagt, ég er tilbúin til brottfarar með nýju klippinguna (sjá mynd að ofan :o)), eins gott að flugið mitt verði ekki fellt niður..

**Adios amigos og góða helgi elsku þið!

2006-11-08T22:31:00.000Z

4 x 14" Vetrardekk undir Opel skvísuna mína óskast sem allra allra fyrst, það var hálka þegar ég vaknaði í morgun :o(

Mjög svo áhugaverður fyrirlestur frá Krabbameinsfélaginu í tíma í morgun, vissuð þið að húðkrabbamein hér á landi hefur aukist alveg gífurlega hjá ungum stúlkum á aldrinum 16-24 ára (ég er klárlega EKKI lengur ung stúlka á þeirra mælikvarða) og það má eingöngu rekja til notkunar sólarbekkja?!! Ég ætla aldrei aftur í ljós eftir föstudaginn, verð að fara í 1 tíma fyrir DK.
*huhumm maður gengur ekki alveg heill til skógar*
Það eru líka um 200 sólbaðsstofur á Íslandi sem er mun meira en í allri London!!!

Dagurinn byrjaði ekki vel hjá mér í morgun:
1. Hálkubeljan mætt á svæðið!
2. Skvísan ég mætt í ræktina 8:30 (1/2 tími í tíma), ákveð að fara á hlaupabrettið og hita mig aðeins upp, er svo að fara að stíga uppá brettið sem nóta béne einhver hálfviti hefur skilið eftir á ferð og mín svoleiðis flýgur á hausinn fyrir framan salinn fullan af fólki! Allt sveitta fólkið hættir samstundis að æfa og sumir bara horfðu á mig og brostu, aðrir stukku upp til handa og fóta til að koma mér til hjálpar og ég bara skellihlæjandi í gólfinu, ekki alveg að trúa því að ég hafi ekki verið meira cool! (Sé Vilborgu fyrir mér núna alveg skeeeeellihlæjandi ;o))
3. Þegar leikfimitíminn byrjaði og ég var mætt fyrir framan alla speglana þar, stóð eina saklausa spennan í hárinu á mér beint uppí loftið og hárgreiðslan sem skapaðist sökum þess FREKAR halló. Þannig hafði ég semsagt verið á meðan ég reyndi að halda andlitinu á brettinu í heilar 25 mín. eftir að ég flaug!!

Sumir dagar hjá manni.....

Dagurinn endaði samt vel með mexíkóskri pizzu hjá Eygló og c.o
Svo er það sko klipping á morgun, hlakka til.
**Nanana-búbú

2006-11-05T21:59:00.000Z

......Úúúúldin...... gott orð til að lýsa mér þessa stundina. Veðrið hefur gífurleg áhrif á hvernig manni líður, þannig er það nú bara.
Gerðum lítið sem ekkert um helgina familian. Afrekuðum þó það að bruna í Reykjanesbæ þar sem Stefán stóð sig ansi vel á fyrsta alvöru badmintonmótinu sínu. Hann vann fyrsta leikinn en tapaði öðrum með oddaleik. Engu að síður alveg glæsileg frammistaða hjá honum :o) Í dag var svo bara hangið innandyra enda ekki annað hægt sökum veðurofsans. Ína og Anton ætluðu að koma og vera memm en lögðu ekki út í veðrið svo við lékum bara við þau í 232 í allan dag. Fórum í hádegismat þangað, þau komu svo í kaffi og við fórum svo í kvöldmat til þeirra, borðuðum semsagt non-stopp í ALLAN dag!
Það verður gott að komast í leikfimi á morgun og taka heldur betur á því... Ætla að þyngja lóðin meira að segja, geri Callie stolta af mér og brenni meira í leiðinni..hehe 8o)

Það eru svo einungis 5 dagar í DK!!
Mamma sendi mér þennan í gær, má til með að setja hann með þar sem DK er mér nokkuð ofarlega í huga þessa dagana ;o)

Find mit sure andsigt....
:-) :-) :-) :-) :-) :-) :-) :-) :-) :-) :-) :-) :-) :-) :-)
FJOLLEHOVEDE....
Man kan da ikke være sur naar man kender saadan en dejlig og helt fantastisk person som DIG!
**Kæmpe knus

2006-11-01T21:27:00.000Z

Kaldhæðnin í E.R áðan..
15 ára kaþólskri stelpu nauðgað, vildi ekki eiga það en foreldrarnir íeinhverju sérstöku sambandi við Jesú svo Luka hjálpaði henni að "missa fóstrið" án vitundar foreldranna.
Abby 37 ára ólétt, ekki planað, hugsaði um það allan þáttinn hvort hún ætti að eiga það eða ekki, var hrædd um að gleyma því útí búð........
Allt endaði þó vel.

Er að drukkna í ritgerðar- og verkefnavinnu þessa dagana. Á að skila 3 STÓRUM 29. nóvember. Samt hef ég aldrei áður verið svo útsjónarsöm að læra jafnt og þétt eins og ég hef gert þessa önnina, meeeen hvað þetta er mikið!
Kvíði samt svakalega fyrir því í vor þegar þetta er búið, hvað tekur þá við???? Maður finnur sér alltaf eitthvað til að hafa áhyggjur af, merkilegt nokk ;o) Hugsa til Danmerkurferðarinnar þegar mest á reynir og syng með Sandy Thom, þá verður allt betra :oD

**Ossokomaso

2006-10-30T13:42:00.000Z

Oh, verð alltaf frekar pirruð um mánaðarmótin þegar maður er að fara yfir inn- og út mál. Peningar geta farið agalega í taugarnar á mér !

Skemmti mér vel á laugardagskvöldið, Thelma og Maja komu og við Thelma drukkum áfenga drykki og sungum í singstar fyrir Maju....Tek það fram að Thelma vann mig bara 2svar..múhaha. Maja fór svo bara heim þegar hún var komin með nóg af sönglinu í okkur en við Thelma skelltum okkur í bæinn, byrjuðum á hressó þar sem er alltaf nóg pláss til að dansa en agalega skrítið fólk oft á tíðum. Ílengdumst þar bara enda hálf skrítnar sjálfar á köflum þar til við héldum í það annars merka fyrirbæri, leigubílaröðina. Get svarið það, hefði getað labbað heim og aftur niður í bæ á þeim tíma sem við stóðum þar og biðum eftir leigubíl. Thelma tók ekki í mál að labba heim eftir atburði liðinna helga, skil hana svo sem vel og þakka bara fyrir að hafa látið hana ráða, maður veit aldrei hvað hefði geta gerst!

Mega þynnka á sunnudag - merkilegt hvað maður þarf alltaf að líða fyrir smá kæruleysislega drykkju og tjútt þá sjaldan sem maður lyftir sér upp. Skreið yfir til Vilborgar og Hjalta, spilaði nýja útgáfu af Scrabble við Ragnheiði og borðaði með þeim ágætis gums frá Indó Kína. Horfðum svo á Robin Williams ferðast um á húsbíl með familiunni sinni í mynd sem ég man ekki hvað heitir. Skreið svo alein uppí rúm um miðnætti og steinsvaf til 8:00 í morgun. Kolfinna kom ekki fyrr en um 10:00. Einstök upplifun að vakna ein á mánudagsmorgni. Stefán kemur ekki fyrr en um miðja viku-vetrarfrí í skólanum.

**adios

2006-10-26T09:56:00.000Z

Í dag er það lesstofan.. Er búin að hita mér te, kveikja á lampanum og raða öllum bókunum um leiki barna pent upp við hliðina á mér. Þá er bara að byrja að lesa og punkta hjá sér.....

*************

Um helgina er fríhelgi, Kolfinna fer reyndar í dag, strax að loknum leikskóladegi svo við Stefán dundum okkur tvö, ætla að fara og fylgjast með honum á badmintonæfingu og svo ætlum við að fara og fá okkur að borða, ég valdi Grænan Kost en hann KFC, frekari samningaviðræður eiga svo eftir að fara fram. Á morgun fer hálf-gelgjan mín svo upp á Skaga og ég fæ Trillurnar mínar í heimsókn ásamt snúllunum sínum. Föstudagskvöldið verður svo tekið með trompi þegar ég skelli mér á Mýrina í bíó.... Ætla ekki ein en á eftir að vinna í því, er einhver game?

Laugardagurinn verður svo góð blanda af leikfimi (ef ég nenni að vakna), lærdómi, afslöppun og huggulegheitum bara. Það er allavega stefnan.

Nú er hins vegar komin tími til að læra.......
**15 dagar í DK

2006-10-23T10:56:00.000Z

"I wish I was a punk rocker with flowers in my hair"
Þessa dagana er þetta lagið....
*Sem kemur mér í gott skap þessa hræðilega dimmu morgna
*Sem hitar kroppinn í ræktinni á morgnanna
*Og kemur mér bara í gott skap whenever I need it.

Helgin var notaleg: Var heima með Kolfinnu á föstudag, fórum familian í Elko og keyptum okkur Thomson dvd-spilara (ekki með p samt ;o)), agalegt að eiga ekki svoleiðis svo urðum að redda því, fengum þennan fína spilara þangað annað kemur í ljós á 6 þúsund. Skelltum okkur á körfuboltaleik KR-Snæfell sem hefði mátt enda betur.
Við mæðgur brunuðum svo til Reykjanesbæjar að heimsækja Hildigunni og Helenu á laugardeginum, næstum unglingurinn fór bara til frænda síns á meðan.
Í gær tók ég mig svo heldur betur til og bakaði vöfflur, múffur og eplaköku og bauð systrum mínum og c.o-um í kaffi.
Semsagt bara huggó í alla staði....
Verð svo að vera dugleg í vikunni svo ég geti notið fríhelgarinnar um næstu helgi að einhverju marki :o)

**Sandy Thom er svo málið þessa dagana

2006-10-19T22:07:00.000Z

Neeeeeeeeeeeeeeeei!!
Gleymdi að save-a alla linkana....
Ég gæti öskrað núna!!!!!

**Öskr

2006-10-19T21:47:00.000Z

*Fékk allt í einu upp í kok af bleika lúkkinu ... Þetta er meira svona róandi og huggó ekki satt?
*Finnst eitthvað svo langt í Danmerkurferðina en stutt í jólaprófin....hmmmm.
*15% æfingapróf í aðferðafræðinni í dag, held barasta að ég hafi rúllað því upp.
*Þarf SVO að fara að koma mér að 30 bls. sérefnisritgerðarsmíðum.

*Get svarið að ég er í einhverju nammimóki, er að verða búin að drekka næstum 2 lítra af cok-a light eins og hann Hjalti segir. Það er sá tími mánaðarins totally! Ætla í nammiland um helgina.
*Vatnsbyssu-sjónvarpsþátturinn skrítinn, horfði með Stefáni á þetta, ætla rétt að vona að þetta verði betra, lofar ekki góðu að mínu mati, hló hins vegar mikið af Hödda Magg í TEKINN um daginn, gaurinn er snilldin ein, þegar hann var vakinn og stjórnað og bara allt :oÞ

**CSI:MIAMI

2006-10-18T13:09:00.000Z

Mjæja.. Komin tími til að tjá sig.
Helgin var fín, róóóleg í alla staði samt.
Horfði á frekar slaka mynd með Eygló og Hannibal á föstudagskvöldið en nammið var gott sem ég lét ofan í mig með henni :o)
Kláraði ritgerðina í Áhrif kláms og ofbeldis eða svona næstum auk þess að kíkja með Thelmu og Birtu í nýja-Ikea....my god hvað það er stórt! Skíttapaði svo fyrir Hjalta og Vilborgu í Scrabble...
Ætlaði að vera svakalega dugleg að læra á sunnudeginum en fór bara í heimilisstörf og Bónus þangað til molarnir mínir komu, eldaði svo dýrindis Chili Sin Carne.

Vikan sem meira að segja er hálfnuð eða næstum fer svo bara hægt af stað. Var heima með Kolfinnu lasna á mánudaginn, lærði vel og mikið í aðferðafræði ásamt J.Möggu í gær og er svo bara löt í dag.....Issss.
Verður hugsað til Danmerkurferðarinnar...Ætla að fara að undirbúa mig enn betur fyrir aðferðafræðiprófið á morgun.

Verð að segja ykkur að það bankaði góður draugur fortíðar á símann minn í gær. Alltaf gaman að rifja upp góðar stundir frá DK 2001-2002!
**Að þessu sögðu, kveð ég

2006-10-12T10:45:00.000Z

Hef nú bara aldrei á mínum háskólaferli lent eins seint í prófum eins og núna :o(
Týpískt þegar ég er ekki með molana mína á aðfangadag þá fæ ég ekki einu sinni góðan tíma með þeim í jólaundirbúningnum sökum próflesturs og ritgerðaskrifa....muhu.
Aðferðafræðiprófið er 15. des > 9-12
Hugur, heilsa og forvarnir er svo 20. des > 13:30-16:30

Verð bara að vera dugleg alveg fram í desember svo ég geti tekið frídaga inn á milli með þeim, það ætti þá að vera hvatning til að standa sig í stykkinu. Ætla einmitt að halda áfram við ritgerðarskrif um ofbeldi í sjónvarpi í þessum töluðu orðum...nýta tímann!
**Farin

2006-10-11T11:31:00.000Z

Arrrg... Sit og er að gera heimildaskrá í hrikalegum borhljóðum úr íbúðinni fyrir ofan sem gaurarnir eru að taka í gegn :o( Er oft mikið að spá í að biðja Gunnar umsjónamann að flytja okkur þarna upp en hætti alltaf við það, nenni því ekki....förum aaaaalveg að fara að flytja.

Hvað er annars með veðrið?? Mega-vindur úr öllum áttum en samt ekki vettlinga- og trefils kalt.. Laufin fjúka inn um gluggann minn í tugatali dóttur minni til mikils ama: "Ég hrædd laufin, mamma henda þau út".

Er með ritstíflu, ætla að halda áfram við heimildaskrána bara....
**Farvel

2006-10-09T12:49:00.000Z

Danmörk hér kem ég.......
Ég á það til að vera alveg mögnuð þó ég segi sjálf frá. Fljótfær, hvatvís gætu sumir kallað það en það er ekki til frekari umræðu hér :o)
Var að skoða póstinn minn rétt fyrir hádegi áðan, fékk póst frá vinum mínum hjá Icelandexpress um einhversskonar tilboð svo kíkti á síðuna þeirra. Þá var klukkan á tölvunni minni 12:05. Ég les tilboðið: 2990,- fyrir flugsætið...... Ég hugsa ekki meira en bara hvaða næstu helgar séu pabbahelgar og svo byrja ég bara að skoða.
Þegar klukkan á tölvunni minni sýnir 12:11 er ég búin að bóka flug til Köben laugardaginn 11.nóvember n.k klukkan 07:15 og heim þriðjudaginn 14.nóvember klukkan 11:25 (á afmælisdaginn hennar Mörtu)
Svona byrjar vikan hjá mér.......ansi vel bara :o)
Hugsið ykkur ef ég hefði farið í tíma 11:40-13:10 - þá hefði ég ekkert verið að fara.
Ákvað að vaska upp frekar og ryksuga þar sem ég nennti því ómögulega í gær.
It was ment to be og ekkert múður......love it.
**Lífið er yndislegt, sjáðu...........

2006-10-06T15:03:00.000Z

*Lýsi því hér með yfir að Hjalti er konungur ommilett(n)anna !!
Vorum boðin í omilettu og með henni í gær og mmmmmm.... besta ommiletta sem ég hef smakkað. Vissi ekki að maður gæti lagt svona mikla ástúð í né einfaldlega gert svona góða ommilettu.
Allavega.........
*Kláraði svona 95% af verkefni 1 í Hugur, heilsa og forvarnir í gær inná lesstofu, á bara eftir að fiffa aðeins lúkkið og heimildaskrána, húrra fyrir mér samanber síðustu færslu :o)
*Saumó hjá Þórhildi á miðvikudagskvöldið og þar var á borðum alveg svakaleg súkkuladikaka, verð að muna að fá uppskriftina, alltaf gaman að hitta Pækurnar sínar, kjafta og borða saman gúmmelaði.
*Tók alveg svakalega á því í leikfimi í morgun, þyngdi lóðin á stönginni og allt! Gott að fá útrás hjá Callie fyrir alveg heilmargt bara skulum við segja.

*Helgin: Fara með verðandi unglinginn minn í klippingu, heimsækja mæðgurnar Ellen og Emblu, baka pizzu, eiga notalega kvöldstund með krökkunum, fara uppá Hagamel og hafa það huggó yfir pönnsum al'a Eygló með systrum mínum og c.o, heiðra hann Hafliða 1 árs og hann afa minn 75 ára en fyrst og fremst ætla ég að eiga notalega helgi með gullmolunum mínum tveim :o)

**Eigið góða helgi alle hjúbba

2006-10-03T20:59:00.000Z

Hvað er þetta með mig og meika ekki að læra á kvöldin??
Erum þetta bara við Eygló sys sem eigum við þetta hvimleiða vandamál að glíma eða hvað?!
Sit bara og vafra á netinu í stað þess að hrista fram úr erminni og alla leið fram á fingurgóma og lyklaborð eitt stk. 6 bls. verkefni um heilsuna í Hugur, heilsa og forvarnir. Er meira að segja með allar heimildir og allt fyrir framan mig. Dööööööö.......

Freydís mín og Hemmi komin heim frá Lanzarote svo brún og sæt... Jæja, ætla að rumpa þessu af og taka hann Hómer hérna til fyrirmyndar, flottur gaur :o)
**Later

2006-10-02T19:52:00.000Z

Broadway laugardagskvöld: Á Móti Sól skiluðu sko sínu vel. Magni var æði! Dilana var meira æði! Félagsskapurinn sem ég var með toppaði allt og gerði kvöldið enn skemmtilegra.
Takk fyrir kvöldið kæru þið :o)

Annars var pabbahelgin fín, leiddist ekki eins og svo oft áður undanfarið. Við Eygló fórum í bíó á föstudagskvöldið: John Tucker must die, ekki mynd til að borga 900,- í bíó fyrir en það var stemmari að labba í bíó í meiriháttar veðri, horfa á Jessie Metcalf í 90 mínútur og labba aftur heim í sama góða veðrinu. Laugardagurinn var svo toppurinn á allri helginni eins og fram hefur komið.

Vikan byrjar vel, leikfimi í morgun, þvottastúss, tími, verslað inn fyrir vikuna og dundað sér með krökkunum. Thelma væntanleg (kannski Maja og Fanný líka) í huggulegheit í kvöld...Max og Doritos með heitu sósumalli ásamt So you think you can dance á Sirkus 21:30.

Skelli inn myndum af ballinu......Gaman að sjá teljarann dag frá degi :o) Heyrumst

2006-09-29T18:29:00.000Z

Fékk miða á ballið á Broadway á morgun.....Neibb, ekki á uppsprengdu verði, bara á 2500,-
Kíkti á barnaland og þar var þvílíka uppboðið í gangi og einhver vitleysingur lét plata sig og keypti 2 miða á 15000,- !!!!! Sumt fólk er ekki alveg í lagi.

Sjávarréttapizza hjá Eygló og c.o á eftir, krakkarnir farnir og ekki væntanleg fyrr en á sunnudag...Kannski maður kíki bara í bíó í kvöld, hmmm.. eða læri ;o)

**Hej hej

2006-09-28T20:17:00.000Z

Hér skrifar fráfarandi meðstjórnandi í hússtjórn Vetrargarða....Jebb, er bara normal íbúi frá og með kvöldinu í gær eins og meirihluti hinna þar sem ný hússtjórn var kosin í gær á frekar langdregnum fundi með mis-skemmtilegu fólki skulum við segja. Það sem sumum dettur í hug að "tuða" um. Þarf því að taka bévítans ræstihringinn allavega 2svar áður en ég flyt héðan út næsta vor...ojojoj.
Eddi fráfarandi meðstjórnandi líka fór allavega á kostum við upplestur í spurningakeppninni og nammið og gosið stóð fyrir sínu, nammidagurinn því færður til um nokkra daga, hvað er það á milli vina.

Komst að því í morgun þegar við Kolfinna ætluðum að halda af stað í leikskólann að mér ´tokst að læsa bíllykilinn inní bíl í gær þegar ég burðaðist með gosið fyrir fundinn inn og borgaði einhverjum karlpung 3000,- kall fyrir að koma og opna fyrir mér :o(
Dreifði huganum og bætti mér pirringinn við peningaplokkið og klaufaskapinn upp þegar ég sankaði að mér fullt af heimildum fyrir sérefnisritgerðina. Læt vita þegar ég fer að glugga í þær, það er nefnilega annað mál ;o)

Við mæðgur fórum í sund seinnipartinn ásamt Thelmu og Birtu Rós, merkilegt hvað ég nenni ÖR-sjaldan en alltaf er þetta hin fínasta skemmtun þegar maður er mættur á staðinn og komin ofaní....allavega þangað til maður þarf að fara uppúr.

Kvöldið: pakka fyrir krakkana, græja leikfimifötin og horfa á CSI:Miami
Later**

2006-09-27T10:47:00.000Z

Go´morgen...
Það er skrítin tilfinning að vera aftur farin að setja hugsanir sínar og pælingar niður á blað...Eeen skemmtilega skrítin samt.

Var að koma af foreldrafundi 6. bekkjar-foreldra í Melaskóla og mikið var ég stolt í hjarta mínu af honum Stefáni mínum þegar verið var að tala um stundvísi, aga og vinnufrið. Það er svo notalegt að sitja rólegur og vera 100% með á því að þegar kennarinn talar um suma sem koma of seint og suma sem trufla vinnufrið að hún er ekki að tala um hann Stefán minn :o)

Gæti auðveldlega hælt honum í allan dag.

Er svona að vinna í því að gera síðuna fína, þarf að finna heimsóknarteljara, er orðin pínu ryðguð í þessu bloggi þar sem blog.central.is er svo svakalega auðvelt miðað við þenna gaur hér.....
Ætla að skella mér í það job, fara í tíma, skreppa í Bónus að versla inn fyrir húsfundinn, sækja snúlluna, fara í Hreyfifimi, kíkja á allt það sem Villa keypti í Boston, borða hjá Eygló og c.o og halda síðasta húsfundinn með hússtjórninni minni.

Ta ta.......

2006-09-26T22:22:00.000Z

Hellú hellú.... Mín er mætt aftur í bloggheiminn.
Ástæður:
*Af því bara
*Pínu einmanna á kvöldin en nenni samt ekki alltaf að horfa á imbann eða læra....
*Hef mikla þörf fyrir að tjá mig, dýrt að hringja ;o)
*Það er cool að blogga ????

Vinn í síðunni næstu daga, pabbahelgi framundan = nægur tími til að dunda sér og gera ekkert af viti.
Þangað til næst....adios